నూతన దంపతులకు జీవన సందేశం ఇచ్చిన ఎడిటర్ నేరేడుమిల్లి వినయ్ కుమార్

ప్రజా ఆయుధం దినపత్రిక

నూతన దంపతులకు జీవన సందేశం ఇచ్చిన ఎడిటర్ నేరేడుమిల్లి వినయ్ కుమార్

అమలాపురంలో ఆధ్యాత్మిక వాతావరణంలో ఘనంగా గుమ్ములూరి వారి వివాహ వేడుక

ప్రజా ఆయుధం అమలాపురం, మే 08, 2026:డాక్టర్ బి ఆర్ అంబేద్కర్ కోనసీమ జిల్లా అమలాపురంలోని సత్యసాయి కళ్యాణ మండపంలో జరిగిన అయినవిల్లి మండలం శానపల్లిలంక గ్రామం, గుమ్ములూరి వారి వివాహ మహోత్సవానికి ప్రజా ఆయుధం దినపత్రిక ఎడిటర్ నేరేడుమిల్లి వినయ్ కుమార్ ముఖ్య అతిథిగా హాజరై నూతన వధూవరులు అనిల్ కుమార్ – దివ్యదేవిని ఆశీర్వదించారు.

ఈ సందర్భంగా ఆయన మాట్లాడుతూ దాంపత్య జీవితం అనేది ప్రేమ, పరస్పర నమ్మకం, సహనం, బాధ్యతల సమ్మేళనమని పేర్కొన్నారు. కుటుంబ విలువలను కాపాడుకుంటూ ఒకరికొకరు అండగా నిలిస్తే జీవిత ప్రయాణం ఆనందమయం అవుతుందని సూచించారు.

గుమ్ములూరి సత్యనారాయణ, శ్రీమతి సుందరమాణిక్యం దంపతుల కుమారుడు అనిల్ కుమార్‌కు దివ్యదేవితో వేద మంత్రోచ్చారణల మధ్య సంప్రదాయబద్ధంగా వివాహం ఘనంగా నిర్వహించారు. వివాహ వేడుకకు బంధుమిత్రులు, కుటుంబ సభ్యులు, ఆత్మీయులు పెద్ద సంఖ్యలో హాజరై నూతన దంపతులను ఆశీర్వదించారు.

వివాహ వేదికను సాంప్రదాయ అలంకరణలతో అందంగా తీర్చిదిద్దగా, ఆధ్యాత్మిక వాతావరణంలో జరిగిన కార్యక్రమాలు ప్రత్యేక ఆకర్షణగా నిలిచాయి. అతిథులకు అందించిన ఆతిథ్యం అందరినీ ఆకట్టుకుంది.

ఆనందోత్సాహాల నడుమ జరిగిన ఈ వేడుక కుటుంబ సభ్యులకు చిరస్మరణీయంగా నిలిచింది.