బౌద్ధ వివాహంలో ప్రజా ఆయుధం* *ఎడిటర్ వినయ్ కుమార్* – *అంబేద్కర్ ఆశయాల* *ప్రతిధ్వని* 

_ప్రజా ఆయుధం దినపత్రిక_

*బౌద్ధ వివాహంలో ప్రజా ఆయుధం* *ఎడిటర్ వినయ్ కుమార్* – *అంబేద్కర్ ఆశయాల* *ప్రతిధ్వని* 

ప్రజా ఆయుధం డాక్టర్ బి.ఆర్ అంబేద్కర్ కోనసీమ జిల్లా, ఏప్రిల్ 29:డాక్టర్ బి.ఆర్ అంబేద్కర్ కోనసీమ జిల్లా అయినవిల్లి మండలం శానపల్లిలంక గురువు గ్రామంలో పచ్చిమాల శ్రీనాథ్ – శాంతి ప్రియల బౌద్ధ వివాహం బుధవారం రాత్రి సాంప్రదాయబద్ధంగా, ఆధ్యాత్మిక వాతావరణంలో ఘనంగా జరిగింది.

“నవయాన సద్దమ్మ ప్రచారకర్త నాగసేన” బోధి వివాహ కర్తగా వ్యవహరించి బౌద్ధ సంప్రదాయాలకు అనుగుణంగా వివాహాన్ని నిర్వహించారు.

బుద్ధుడి బోధనలు అయిన సమానత్వం, అహింస, సత్యం, దయ వంటి విలువలను ప్రతిబింబించే విధంగా ఈ వివాహ కార్యక్రమం కొనసాగింది. నవయాన బౌద్ధ సంప్రదాయంలో జరుగే వివాహాలు కేవలం రెండు వ్యక్తుల కలయిక మాత్రమే కాకుండా సమాజంలో సమానత్వం, న్యాయం, మానవతా విలువలకు ప్రతీకగా నిలుస్తాయని నిర్వాహకులు పేర్కొన్నారు.

ఈ కార్యక్రమానికి ముఖ్య అతిథిగా ప్రముఖ జర్నలిస్ట్, ప్రజా ఆయుధం మీడియా ఎడిటర్ వినయ్ కుమార్ నేరేడుమిల్లి హాజరై నూతన వధూవరులను ఆశీర్వదించారు.

ఈ సందర్భంగా ఆయన వధూవరులకు బహుమతిని అందజేసి, వారి దాంపత్య జీవితం సమానత్వం, పరస్పర గౌరవం, ప్రేమ, పరస్పర అవగాహనతో సాఫల్యంగా కొనసాగాలని ఆకాంక్షించారు.

ఈ సందర్భంగా వినయ్ కుమార్ మాట్లాడుతూ, బౌద్ధ వివాహాలు మానవతా విలువలను ప్రతిబింబించే పవిత్ర సంప్రదాయమని తెలిపారు.

బోధిసత్వ డాక్టర్ బి.ఆర్ అంబేద్కర్ చూపిన మార్గం ప్రకారం సమానత్వం, స్వాభిమానం, విద్య, సామాజిక న్యాయం వంటి విలువలను సమాజంలో స్థాపించాల్సిన అవసరం ఉందన్నారు. బౌద్ధ ధర్మం మనుషుల మధ్య వివక్షలను తొలగించి సమాన సమాజ నిర్మాణానికి దారి చూపుతుందని పేర్కొన్నారు.

అంబేద్కర్ ఆశయాలు ఈ తరహా వివాహాల్లో స్పష్టంగా ప్రతిఫలిస్తాయని, కులం, మతం, ఆర్థిక అసమానతలు లేని సమాజ నిర్మాణానికి బౌద్ధ ధర్మం కీలక పాత్ర పోషిస్తుందని ఆయన తెలిపారు. యువత బౌద్ధ సిద్ధాంతాలను అనుసరించి సమాజంలో సానుకూల మార్పు తీసుకురావాలని పిలుపునిచ్చారు.

బౌద్ధ వివాహ విధానాల గురించి వివరిస్తూ, సంప్రదాయంగా జరిగే పూజా కర్మకాండల కంటే సత్యం, ధర్మం, సమానత్వం ఆధారంగా ప్రమాణాలు చేయడం, పరస్పరం గౌరవించుకోవడం, బాధ్యతలు పంచుకోవడం ఈ విధానంలో ప్రధానమని తెలిపారు. ఈ విధానం కుటుంబ వ్యవస్థను మరింత బలపరుస్తుందని చెప్పారు.

ఈ కార్యక్రమంలో స్థానిక ఎంపీటీసీ వచ్చి మాల సుబ్బారావు, ఎక్స్ మిలటరీ వడ్డీ శ్రీనివాస్, గ్రామ పెద్దలు, బంధువులు మరియు స్థానికులు పెద్ద సంఖ్యలో పాల్గొన్నారు. కార్యక్రమం ఆధ్యాత్మికతతో పాటు సామాజిక సందేశాన్ని అందిస్తూ విశేషంగా నిలిచింది.