ప్రజా ఆయుధం దినపత్రిక
ఎస్సీ కమిషన్ చైర్మన్కు ఘన స్వాగతం – సునీత నివాసంలో ఆత్మీయ సమావేశం
మడకశిర, ఏప్రిల్ 21 (మంగళవారం):
అనంతపురం జిల్లా పర్యటనలో భాగంగా రాష్ట్ర ఎస్సీ కమిషన్ చైర్మన్ కొత్తపల్లి శామ్యూల్ జవహర్, రాష్ట్ర మంత్రి సవితమ్మలకు మాజీ మంత్రి పరిటాల సునీత తన నివాసంలో ఘన స్వాగతం పలికారు.
ఈ సందర్భంగా ఎస్సీ కమిషన్ చైర్మన్ను శాలువాతో సత్కరించిన సునీత, జిల్లా పరిధిలో దళితుల సంక్షేమం, సమస్యల పరిష్కారంపై చర్చించారు. ప్రభుత్వ పథకాలు అర్హులకు పూర్తిస్థాయిలో అందేలా చర్యలు తీసుకోవాలని కోరారు.
అనంతరం ఆమె నివాసంలో ఏర్పాటు చేసిన ఆత్మీయ విందులో పార్లమెంట్ సభ్యుడు అంబికా లక్ష్మీనారాయణ, శింగనమల శాసనసభ్యురాలు బండారు శ్రావణిశ్రీ, మాజీ మంత్రి పల్లె రఘునాథ్ రెడ్డి తదితర ప్రముఖ నాయకులతో కలిసి పాల్గొన్నారు.
ఈ సమావేశంలో ఎస్సీ కమిషన్ సభ్యుడు మేకల దాస్, గ్రంథాలయ చైర్మన్ వడ్డే వెంకట్ కూడా పాల్గొన్నారు. దళితుల సామాజిక, ఆర్థిక అభివృద్ధికి మరింత చర్యలు తీసుకోవాల్సిన అవసరం ఉందని నాయకులు అభిప్రాయపడ్డారు.
ఈ సందర్భంగా అతిథులందరికీ కృతజ్ఞతలు తెలిపిన పరిటాల సునీత, ప్రజల సంక్షేమం కోసం ఇలాంటి సమావేశాలు మరింత అవసరమని పేర్కొన్నారు.
