అంబేద్కర్ విగ్రహానికి పూలమాలలు వేసి నివాళులు అర్పించిన ఎంపీ హరీష్ బాలయోగి

ప్రజా ఆయుధం దినపత్రిక

అంబేద్కర్ విగ్రహానికి పూలమాలలు వేసి నివాళులు అర్పించిన ఎంపీ హరీష్ బాలయోగి

అమలాపురం, ఏప్రిల్ 14:
డాక్టర్ బి.ఆర్ అంబేద్కర్ కోనసీమ జిల్లా అమలాపురం పట్టణంలోని నల్లవంతెన వద్ద గల డాక్టర్ బి.ఆర్ అంబేద్కర్ విగ్రహానికి ఎంపీ హరీష్ బాలయోగి, ఎమ్మెల్యే అయితాబత్తుల ఆనందరావు పూలమాలలు వేసి ఘనంగా నివాళులు అర్పించారు.
ఈ సందర్భంగా వారు మాట్లాడుతూ, భారత రాజ్యాంగ నిర్మాత డాక్టర్ అంబేద్కర్ ఆశయాలు సమాజానికి శాశ్వత మార్గదర్శకమని పేర్కొన్నారు. సమానత్వం, సామాజిక న్యాయం, స్వాభిమానంతో కూడిన జీవనం కోసం అంబేద్కర్ చేసిన పోరాటం ప్రతి తరానికి స్ఫూర్తిదాయకమని కొనియాడారు.

ఎంపీ హరీష్ బాలయోగి మాట్లాడుతూ, అంబేద్కర్ చూపిన “విద్య – సంఘటితం – పోరాడు” అనే మార్గాన్ని అనుసరిస్తూ యువత ముందుకు సాగాలని పిలుపునిచ్చారు. సమాజంలో ఉన్న అసమానతలను తొలగించి, ప్రతి ఒక్కరికీ సమాన అవకాశాలు కల్పించే దిశగా పనిచేయాల్సిన బాధ్యత అందరిపై ఉందన్నారు.
ఎమ్మెల్యే అయితాబత్తుల ఆనందరావు మాట్లాడుతూ, అంబేద్కర్ కలలుగన్న సమాన సమాజ నిర్మాణం కోసం ప్రభుత్వం కట్టుబడి పనిచేస్తోందని తెలిపారు. అట్టడుగు వర్గాల అభ్యున్నతికి ప్రభుత్వం చేపడుతున్న సంక్షేమ కార్యక్రమాలను ప్రజలు సద్వినియోగం చేసుకోవాలని సూచించారు.

అనంతరం నాయకులు, కార్యకర్తలు అంబేద్కర్ విగ్రహానికి పూలమాలలు వేసి ఘన నివాళులు అర్పించారు. జయభీమ్ నినాదాలతో కార్యక్రమం మార్మోగింది.
ఈ కార్యక్రమంలో స్థానిక ప్రజాప్రతినిధులు, పార్టీ నాయకులు, కార్యకర్తలు, యువత మరియు ప్రజలు పెద్ద సంఖ్యలో పాల్గొన్నారు.